ياعين لاتبكين ماعاد به فــــــــــود

يكفي ثلاث سنين تبكين فــــــــرقاه

خلك غدربي والغدر منه مقصـــود

جتني طعون الغدر من كف يمنــاه

ودامه جزاء حبي بنكران وجــحود

مني الجحود وكل نكران يـــلــــقاه

من لانشد عني فلا عنه منــشــــود

واللي جفى ياعين مجبور انا اجفاه

ودام الليالي بناظرك سبته ســـــود

خلك عزيزه ولاتجيبين طريـــــــاه

وان كان ظنك دامها سهود ومهود

انه بيرجع ويروي الظامي بـــمــاه

والله مايرجع حبيبك ولايــــعـــــود

كفي دموعك واتركي القلب ينســاه

خلك غدى دربه ترى اليوم مسدود

سدوه ياعيني ربوعه وبــــرضـــاه

وصارت حواجز بيننا وبيننا قـــيود

ولو ينوي الرجعه لقى ناس تـــنــهاه

ويكفي ثلاث سنين مدري بعد زود

تبكين ياعيني من اسباب فـــــرقاه



من قصائد الشاعر / سعد بن جزاء الميموني

قصيدة جميلة اخى عاشق السراب
سلمت أناملك على نقلها
وننتظر جديدك الرائع

حياك الله

ولاعدمنا وجودك

من لانشد عني فلا عنه منــشــــود
واللي جفى ياعين مجبور انا اجفاه
رااااائعه اشكرك عااشق سراب على النقل
صح لساااان قايلها ونااااقلها...

صح بدنك اختي مايا

وشكرا على الرد

سلمت آنـــاملك..[عاشق سراب]..

بانتظـــآر جديدك..

’’

وسلمتي اخت نوف

ولاعدمنا حضورك المتألق