ياطير ياطير ياطيرالسعـد ياللـي تـرف الجنـاح
لا واهنيـك ليـا ضاقـت عليـك ألارض خليتهـا
وأن رحت وأن جيت ياطير السعد تسبق هبوب الرياح
وأظن مافيه ديـره فـوق وجـه ألارض ماجيتهـا
مانته بمثلي تجي وتروح مايصعب عليـك المـراح
لكـن ياليـت جنحانـك معـي ياطـيـر ياليتـهـا
كله على شان ازور اللي رمانـي بالعنـا واستـراح
اللـي علـى شانـه الاقـدام عنتـنـي وعنيتـهـا
في ماض الايام اشوفه قدم عيني في المساء والصباح
واليوم حتى العلوم اللي تجينـي عنـه مـا أوحيتهـا
وليا نشدت العرب ماحـدٍ يعلمنـي عنـه ويـن راح
وأتعبـت نفسـي وبالنشـده كثيـر النـاس بذيتهـا
لاووجودي على شوفتك لـو مـره ياظبـي البـراح
ياللي على شانـك العبـره علـى الخديـن هليتهـا
يابوعيون هدبهـا يـزرق العشـاق زرق الرمـاح
ذبحت روحي على كفـك برمـش العيـن واحييتهـا

كله على شان ازور اللي رمانـي بالعنـا واستـراح
اللـي علـى شانـه الاقـدام عنتـنـي وعنيتـهـا

الحارثي ,,,,قصيده راااااااااائعه احفظ ابياتها ....
صح لسان الشاعرالكبير حبيب العازمي على هذه القصيدة الرائعه
وتسلم يد ناقلها على الذوق الشعري الاصيل ننتظر المزيد من هذه الدرر اخوي الحارثي ...

ابيات جزله وقويه تسلم على النقل اخوي الحارثي
ننتظر جديدك

شكرا اخوي الحارثي على اهالموال الحجازي

ابيات جدا جميله واعتقد انها غنيت ..


لاهنت

اسعدنى مروركم ( اسير الرياض ـ مايا ـــــــ ابوراكان )