أخواتي في منتدى الحمل والولادة السلام عليكم ورحمة الله وبركاته
تكفون ساعدوني بنتي على وشك ولادة وما ادري كيف استعد لفترة النفاس كل وحدة من صديقاتي تعطيني نصيحة وما أدري وشو الصحيح فيها والكل يحذرني من العطارين أحترت وسمعت من صديقة ان الدكتور جابر حفظه الله في أحد لقاءته وصى سيدة بوصايا قيمة عن فترة نفاسها ..تكفون اذا تعرفون شئ أفيدوني أتمنى تعطوني برنامج يومي اتبعه معاها ومن وين أجيب الأنواع الجيدة من الاعشاب وشو الأكل المفروض أنها تاكله ..الله يجزاها خير سلفا من بتفزع لي والله يفرج كربتها

السلام عليكم
أخوتي أعضاء المنتدى لا تبخلوا علي بالنصيحة
(الدين النصيحة ..قلنا لمن يارسول الله قال لله ولرسوله وللأئمة المسلمين وعامتهم )
في انتظاركم

السلام عليكم ورحمة الله وبركاته يسعدني اكون اول من يرد عليك واتمنى افيدك باللي اقدر عليه بما اني توني خلصت الاربعين بحكي لك تجربتي في نفاسي وان شاء الله تستفيدي يارب وبالنسبه للدكتور جابر الله يحفظه كل اللي اعرفه انه نصح النفاس بقشر القهوه والحلبه والسنوت وماادري اذا في شي ثاني وصى فيه عموما انا من اول ماولدت وانا اشرب حليب بالعسل والحلبه وكمان معه سنوت وحبة بركه وطريقة عمله اضع في الترمس حليب بودره وعسل وحلبه وسنوت وحبة بركه واغلي المويه واصبها عليه وطول اليوم وانا اشرب منه لما اخلص الترمس يعني كل شوي اشرب كوب صغير لمدة عشرين يوم ولازم كل يوم اشرب قشر قهوه معه سنوت وقرفه واحيانا اغلي معاه تمر والاكل في الغالب اكل شعبي كمان خليها تبتعد عن البارد قدر الامكان والمشروبات الغازيه ممنوعه في النفاس اتمنى اكون افدتك والله يقوم بنتك بالسلامه ويعطيك الصحه والعافيه

أختي الفاضلة جمانة الرمانة الحمدالله على سلامتك ..رزقت الموهوب وشكرت الواهب وبلغ أشده ورزقت بره والله فيك الخير اللي رديت علي ...نفع الله بعلمك وكثر من أمثالك
بس أنا سمعت من وحدة من الأخوات أن الدكتور جابر ذكر في لقاء بالتلفزيون في اجابة عن سؤال لاحدى الأخوات ما يجب على النفساء ان تفعله بالتفصيل بس ما اعرف اسم البرنامج ولا القناة وما أدري كيف يوصل سؤالي للدكتور عسى أن يجيبني

هلاوالله وغلا معليش أختي ماعندي اي فكره عن اللي تسألين عنه لكن اللي اعرفه عن الدكتور جابر انه دايما يجي في برنامج طب الاعشاب في قناة الاخباريه سوي بحث في المنتدى وأكيد بتلقين اجابه لسؤالك ودمتي بخير

الله يجزاكم خير ماهو السنوت وهل له اسم ثاني وكيف شكله